Денес изутрина хрватската полиција разби мирен протест против узурпирањето на јавен простор во центарот на Загреб, при што уапси најмалку 11 граѓански активисти. Твитер фидот со името на улицата #Varsavska послужи како главен извор на информации и фотографии од лице место. Read the rest of this entry »
Членовите на Пинг.мк имаат прилика да се пријават да добијат бесплатен примерок од стрип-албумот за приватноста „Под надзор“ (на англиски јазик) издаден од асоцијацијата ЕДРИ – Европски дигитални права чиј член е Фондацијата Метаморфозис.
За да си обезбедите примерок од стрипот доволно е да оставите коментар на написот на Пинг и да изберете една од понудените локации од каде би сакале да го подигнете. Вашиот бесплатен примерок ќе биде однесен до избраната локација и ќе ве чека да го подигнете.
Дистрибуцијата ќе ја овозможат невладини организации, културни институции и фирми од Скопје, Велес, Дебар, Кичево и Кратово.
Досега веста ја пренесоа
Помогнете во ширењето на знаење на приватноста и/или овозможете им на вашите пријатели што се љубители на стрип уште едно уживање со тоа што ќе ја објавите веста на Вашиот блог или ќе им го препратите линкот по е-пошта, Фејсбук или на други начини кои Ви одговараат…
На блогот Македонија во ЕУ има текст на тема решавање меѓународни спорови преку арбитража, чиј автор прашува дали овој механизам може да се примени и кај нас.
Сабајле преку Пинг дознав дека се појавила нова кампања со слоган „Никој нема право да преговара за моето име!“. Се прашувам дали ова е антивладина кампања, оти токму Владата на РМ веќе деценија и пол го прави токму тоа, преговара за името на Република Македонија? Read the rest of this entry »
Има една реклама што се врти по некои радија и на Наша ТВ:
Плажи, вулкани, маслинки, плантажи со портокали, полиња, лозја, Коза Ностра – споени во најголемиот остров на Медитеранот – Сицилија.
[Скопска туристичка агенција] ви нуди десетдневен аранжман со вклучен директен чартер аранжман со [странска авиокомпанија] по цена од [некоја сума] евра. Патувајте со стил, уживајте во откривањето нови места…
Ете зошто не ни доаѓаат туристи во Македонија. Не го истакнуваме најлошото покрај природните убавини и другите знаменитости во настапот во странство, наспроти софистицираниот настап кон домашната публика. Замислете само:
Баш би било интересно да се дознае што авионската компанија од ЕУ која е спомената во рекламата мисли за кобрендирањето со сицилијанската Мафија. Ако ве интересира како работат таквите криминални организации, ви ја препорачувам книгата „Гомора“ од Роберто Савијано.
Собранието на РМ вчера ги усвои измените на Законот за електронски комуникации со кои спротивно на Уставот се овозможува постојано и неконтролирано прислушкување на сите кои користат телекомуникациски услуги на територијата на Република Македонија.
За потсетување, Член 17 од Уставот:
Се гарантира слободата и тајноста на писмата и на сите други облици на општење.
Само врз основа на одлука на суд може да се отстапи од начелото на неповредливост на тајноста на писмата, ако е тоа неопходно за водење на кривична постапка или тоа го бараат интересите на одбраната на Републиката.
Негативните последици од овој потег на власта се огромни: по луѓето во неа кои сега и „легално“ може да бидат прислушкувани без судски налог и без никаква можност да ги спречат веројатните злоупотреби, но и по меѓународниот углед на Македонија.
Носењето на ова „решение“ веќе имаше одек и во странство: на Боинг боинг осамна пост со дискусија на темава, кој го линкува и Повикот за заштита на приватноста од 16 НВО кој го поддржаа скоро 400 граѓани – до моментот на пишување на постов.
Боинг боинг е меѓу најпопуларните блогови на светот (седми во моментов, според Технорати), а постот e напишан од Кори Доктороу, влијателен новинар и писател на научна фантастика.
Некои домашни медиуми (Алфа, Сител, Кирилица) објавија вести за настанов, ако наидете и други линкови споделете ги во коментар, каузата на ФБ или по е-пошта.
Неопходно е домашната јавност да ги согледа последиците од овој чин и да го искаже своето мислење. Доколку ви е гајле за вашата приватност и приватноста на вашите блиски, поттикнете ги да се активираат на темава. Споделувајте информации и придружете се на претстојните активности за заштита на личните податоци.
Во историјата на Македонија добро е позната штетноста на шпијунирањето и кодошлакот, применувани од разни окулаторски и ненародни режими. Од забраните и во домот да се зборува на мајчин јазик, до прогон и терор врз нашите предци кои се осудиле да мислат со своја глава. Зар ќе дозволиме нашата сопствена држава да ги применува истите методи?!
Дали има начин да се дознае кој пратеник гласал за или против овие измени? Би било супер ако им пишете по е-пошта или на нивните профили на Фејсбук што мислите за овој чин. И секако потсетете ги оние меѓу нив што знаат да читаат да го прочитаат уставот, барем еднаш. Иако требале кога ја прифатиле работата за која добро ги плаќаме од нашите заеднички пари. Копија на неговиот текст има на веб-сајтот на Уставен суд, во менито „Основни правни акти“.
Деновиве се актуелни измените на Законот за електронски комуникации кои ако останат исти како оние од мај ќе овозможат законско прислушкување во секое време и врз секого, без судски налог.
Со оглед на тоа што такво нешто е спротивно на нашиот Устав, како и низа други закони и меѓународни договори кои важат во РМ, а спротивен е и на директиви на ЕУ, таквиот закон најверојатно ќе падне, но ќе биде голема срамота ако воопшто биде изгласан. Затоа 15 невладини организации и околу 200 поединци упатуваат повик до Собранието, Владата и други релевантни институции недемократските измени да се повлечат од процедура.
Повеќе за тоа може да прочитате на линкот погоре. Утре (петок) повикот на хартија ќе биде доставен до државните институции заедно со списоците на поддржувачи кои се пријавиле до денес.
Поддршка може да се даде и понатаму по е-пошта до info на metamorphosis.org.mk или преку каузата на Фејсбук (за оние кои така им е позгодно оти веќе користат каузи на таа платформа).
Покрај поддршката на иницијативата, преку посебни написи на темава, меѓу другите јавен став имаат изнесено Метаморфозис, Транспарентност Македонија и Слободен софтвер Македонија. Ако користите Твитер, таг на темава е #privatnost.
Во прилог се неколку извадоци од правни акти со кои се промовира/регулира слободата на изразување во Македонија.
Џастминс објави конкурс на кој два победници ќе добијат тродневна пропусница за конференцијата на ГРИ и покривање на патни трошоци и трошоци за сместување во износ до 1000 евра.
Се работи за глобалната конференција за одржливост и транспарентност која ќе се одржи во Амстердам од 26 до 28 мај.
Повеќе информации и пријавување на англиски:
Во врска со дискусијата околу коњаничките статуи во центарот на Скопје, направени по урнек на претходните од српско време, наидов на интересен цитат од монодрама со Томе Витанов од 1993 година за која претпоставувам дека е направена според записите на Гоце Делчев:
„…им реков дека ќе станам учител, а не генерал, оти кој може најлесно да му се приближи на обичниот човек: Дали тој што е качен на коњ и носи сабја на колкот, или пак тој што ќе им [ги] учи неграмотните деца?“
Во рамките на тековната сесија за граѓанско учество и моќ на Светскиот самит за граѓански медиуми во Чиле има претставување на позитивни примери од целиот свет.
Во рамките на презентацијата за централна и источна Европа, подготвена од Јакуб Горницки и Силвија Присли, меѓу неколку други од регионот беше истакнат и македонскиот Млади инфо.
Фото: Силвија Присли, под
Криејтив комонс-наведи-извор-некомерцијално.
Јакуб го пофали Млади инфо поради нивните напори да ги агрегира и претстави во читлива и прегледна форма информациите за стипендии и слично кои често не се достапни на широката јавност.
(Штом стане достапна овде планирам да ја ембедирам и презентацијата)
Информациите за сите документирани проекти од оваа област се достапни на проектот на Глобал војсис за транспарентност.
razvigor