Претставување на аферата со Хунзите пред светот
Овој пост е достапен и на:
македонски на Блогспот · Претставување на аферата со Хунзите пред светот
English @ Razvigor · Introducing the Hunza Affair Abroad
English @ Global Voices (short version) · Macedonia: Introducing the Hunza Affair
Анастас Вангели, познат како Вуна, на блогот Националности од перспектива на ориентализам ја анализира (анг.) тековната македонска политичка афера на побратимувањето со „народот Хунзи“ од пакистанските планини, кои тврдат дека потекнуваат од војниците на Александар Велики.
Насловна страница на книгата „Ориентализам“ од Едвард Саид (1978)
Веќе имам пишувано на оваа тема и ќе повторам дека ми е баш жал што наместо реално запознавање со културата на тие луѓе и научно, лингвистичко и историско истражување со примена на модерна генетика, кај нас имаме само некакво профитерско политикантство.
Сте забележале дека досега во владините медиуми немало ниедна снимка на која Хунзите зборуваат на својот мајчин јазик, или за тоа како живеат реално? Само се вртат некои стари фотки и тврдења од нивните промотори.
Она што го забележав е продолжувањето на стереотипизирањето не само од критичарите, туку и од промоторите на реунификацијата со Хунзите. Почнувајќи од Јанко Илковски кој на времето во „Јади бурек“ ги „оправдуваше“ дека практикувале некоја „лајт верзија на исламот“.
Последниот пример звучи баш како пренесување на рекла-казала директно од Хиндукуш Каракорум, како кога во филмот „Човекот што сакаше да биде крал“ селата меѓу себе се кудат дека комшиите им се валкани гадови кои намерно им мочаат во потокот за да им го загадат. Извадок од веста на Канал 5 (мое задебелување):
Хунзите живеат во северен Пакистан, административно се дел од пакистанската држава од 1974 година, но го задржале кралот. Освен Хунзите кои бројат околу 50.000 за потомци на војската на Александар Македонски се сметаат и племето Калаши. За разлика од Хунзите кои се исламизирани и образовани, Калашите се неуко племе.
Токму тој факт го користи и соседна Грција која отвори културен центар кај Калашите, а донира и значајни финансиски средства, за наобразба на лозата на Александар Велики.
Ѓоа „нашиве“ Хунзи бликаат од образованост, човек ќе помисли кујзнае колку универзитети и други научно-образовни институции имаат… Исто така истакната е супериорноста на верската ориентација на едните наспроти другите, што е класично ширење меѓуверска омраза.
PS
За оваа вест првобитно дознав од Барабас.
razvigor
alexandro Said,
декември 13, 2010 @ 00:58
Во голема мерка се согласувам со оценките, но последната теза ми звучи некако престрого иако реченицата што ја цитираш со неколку болдирани зборови навистина е несмасна и груба. Недоделкана… Но, во неа не гледам елементи за меѓуверска омраза. Не е наведена ниту верската ориентација на оние „необразованите“.
Инаку, споредбите меѓу нациите не се ништо ново вклучително и за степенот на образованост. А точно е тоа дека Хунзите навистина биле образована нација, но дали повеќе или помалку од нивните комшии Калашите незнам. А и не сметам дека е посебно битно за целата приказна.
Ова онака, добронамерно..
Поздрав!
razvigor Said,
декември 13, 2010 @ 01:32
Александро, Калашите се наводно „пагани“, што во очите на исламски верски фундаменталист ги прави далеку полоши од други монотеисти („луѓе на книгата“) на пр. христијани или евреи.
Со оглед на тоа што ваквите новинари тешко дека проверуваат податоци независно, особено во врска со Пакистан, ваквите квалификации веројатно допреле директно од Хунзите.
Прелевањето на такви квалификации – ние сме подобро и пообразовани затоа што сме од таа и таа вера, а комшииве ни се диво племе оти не се од нашата вера е ширење омраза.
Намерно не цитирав википедија оти во македонската верзија на написите за овие етнички групи нема наведено извори, значи содржината им е сомнителна и подложна на манипулирање.
Би било интересно секако да се види релевантен податок за степен на образование на Хунзите и да се спореди и со Калашите, а особено со Македонците, кај кои на пр. помалку од 10% имаат завршено факултет. Арно ама, додека не видам недвосмислени докази, не им верувам на медиумскиве манипулатори.
За секоја лага и затупување со кои нè поклопуваат, ем добиваат народни пари, ем ни го одвлекуваат вниманието од некои подобри, поубави нешта во нашите животи…
razvigor Said,
декември 13, 2010 @ 01:51
Многу корисно четиво: „Македонија во бројки 2009“ од Државен завод за статистика.
gjurovski Said,
декември 13, 2010 @ 09:15
Јас си мислам дека ова некаков приватен проект.
И дека ниту еден официален државен орган нема многу замешано прсти во ова…
razvigor Said,
декември 13, 2010 @ 11:00
Ѓуровски, на приватен профит за проксито мириса од далеку, ама ако премиер, градоначалници, совет на општина не се официјални државни органи, тогаш не знам што е тоа…
biljana Said,
август 23, 2011 @ 14:55
prv pat doznavam za tebe mladicu ama ne e docna se nadevam . ! vaka, idejata za hunzite pocna vo eded preubav dvor kaj sto bev i jas ,spase shuplinovski,mojot tatko zivko,trajko – tatko vtor,marina dojcinovska i sekako gospod. idejata beshe sosema druga,toa sto dene se pletat prikazni i se pletea voopshto ne me interesira i ne sum zasegnata, a najmalce sto vladata kasno svati koga e otidena marina tamu i koj najde pari za taa misjia i poddrska normalno. Idejata beshe kreativna sama po sebe kako i tvojata da istrazuvas i pisuvas. jas sum mlada zena kako tebe malce postara vo ovie zzemski godini mnogu malce, ljuta sum sto se dade vakva nota vo mediumite i vladata ne ucestvuvase so denar za vakvo nesto,tuku samo se slikase vo odreden vremenski peiod. Nikoj ne pobara pari od Vladata za vakvo nesto- ova bese nasa mala avantura,a i da pobarase Marina- sigurna sum deka nemase da dobie od niedna vlada ne samo od ovaa,se nadevam ke me razberete i svatite sto sakam sega da kazam iako nemam nmera nikoj da me svati- osven kreatorot ili programerot na nestata- BOG !!!!!!!!!!!!!!!!!
марто Said,
август 23, 2011 @ 16:44
Честит да ви е емирот хунзийски….